"Argitaletxean testu bat jasotzen denetik liburu bihurtu arteko prozesuan, lanik berezienetako bat azala egitea da: barrukoa iragarri behar du, iradoki, haren usaina eman nolabait, edukia laburtzen edo azaltzen saiatu gabe. Ez da komeni edukiaren itzulpen bisual hutsa izango den zerbait, ezta edozein liburutarako berdin balio duen irudi bat ere. 

Oreka joko horren adibide eder bat da Miren Amurizak idatzi eta berriki kaleratu den 'Basa' eleberriaren azala, Juanma Aramendi elkar taldeko lankideak pentsatu eta egina, Kontraluz Studio-ko argazkilarien laguntzaz: irudimen indartsua, sentiberatasun fina eta trebezia teknikoa elkartzen dituen irudia." (@elkar_taldea)